Daut Haradinaj: Mungesa e Nasim Haradinajt në varrimin e vëllait është e padrejtë

19:55 | 5 Mars 2023
Emir Abduramani

Sot është varrosur ish-komandanti i Ushtrisë Çlirimtare të Kosovës, Agron Haradinaj, në Kompleksin Memorial “Dëshmorët e Kombit” në Gllogjan.

Daut Haradinaj ka thënë se mungesa e vëllait të Agronit, Nasim Haradinaj, i cili gjendet në Hagë është e padrejtë, ndonëse mijëra njerëz e kanë përmbushur mungesën e tij.

“Nderimi që të bën populli, është dëshmi që ti je vlerë. E padrejtë mungesa e Nasimit, por mijëra të tjerë e përmbushën mungesën e tij”, ka shkruar ish-bashkëluftëtari i Agronit.

“Pusho në paqe me shumë dëshmorë që i pate përkrah!” ishte mesazhi i fundit i Daut Haradinajt për të./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm